Bolsas de formación en desenvolvemento rural e política forestal

(Ollo: Soamente para titulados universitarios)

O Ministerio de Agricultura convoca 2 bolsas de formación práctica para titulados superiores nas áreas de coñecemento de ordenación do territorio, medio, Política Agraria Común, procedemento administrativo, análise estatística e socioeconómica, e desenvolvemento normativo. Requisitos:título de graduado, licenciado, diplomado, enxeñeiro técnico ou superior, titulación de postgrao, doutorado, ou titulacións equivalentes, nas materias e especialidades relacionadas coas bolsas que se convoquen. Coñecementos de inglés. Manexo a nivel de usuario dos programas informáticos de tratamento de texto, folla de cálculo e presentacións. Ter menos de 32 anos o día da publicación da convocatoria. Ter coñecementos específicos nalgún dos seguintes campos: 1. Coñecementos en materia ordenación do territorio e goberno territorial. 2. Agricultura e medio: coñecementos en materia de uso sostible dos recursos hídricos, sistemas agrarios, contaminación agraria e xestión de residuos, externalidades da actividade agraria. 3. Cambio climático no medio rural. 4. Medio rural e enerxía. 5. Indicadores do medio rural: económicos, sociais e medio ambientais. 6. Política ambiental. 7. Axudas da Política Agraria Común. 8. Economía verde e enerxías renovables. 9. Poboación e medio rural. 10. Inmigración e agricultura e/ou medio rural. 11. Muller e medio rural e/ou medio pesqueiro. O prazo de presentación de solicitudes estará aberto ata o día 23 de maio de 2013 Máis información no BOE do 13 de maio de 2013 e no BOE do 2 de febreiro de 2013