O 17 de maio de 2013, Cantares gallegos de Rosalía de Castro, cumpre 150 anos. Esta obra, que representa o Rexurdimento da nosa lingua, foi impresa en Vigo,
na imprenta de Xoan Compañel. Por este motivo, a cidade quere renderlle
homenaxe á muller que, a pesares de nacer nunha época nada propicia
para as mulleres nin para as linguas “non oficiais”, foi capaz de
publicar esta obra determinante para a historia da nosa lingua.
As actividades xa comezaron o día 24 de
febreiro coincidindo coa data de nacemento da escritora pero aínda
quedan dous meses de contacontos, concertos, charlas, lecturas
populares… un gran abano de propostas entre as que sen dúbida poderedes atopar algo interesante.
Todas estas actividades son de balde e están repartidas por varios
puntos da cidade como centros culturais, cafés ou mercados. Podedes descargar o programa completo neste enlace ou consultalo na imaxe que tedes a continuación.
Estas actividades están organizadas polo Servizo de Normalización Lingüística do Concello de Vigo.
No hay comentarios:
Publicar un comentario