Concurso de "Picto-relatos" Lalín 2013

Dende o Espazo Xove de Lalín e a OMIX, e con motivo da celebración do Día das Letras Galegas, mediante este concurso, tratamos de promover o achegamento á produción escrita e á ilustración dos mozos e mozas, ofrecéndolles a oportunidade de desfrutar mediante a creación e a súa creatividade. Deste xeito concebimos un Picto- Relato como unha breve historia acompañada dunha ilustración na mesma páxina. Todas as obras presentadas formarán parte dunha exposición que poderá visitarse dende o 14 ao 31 de maio de 2013, no Espazo Xove de Lalín. Mais información na Casa da Xuventude de Lalín ou na OMIX. Tlfno: 986780229 BASES DO CONCURSO Poderán participar neste concurso mozos e mozas de 12 a 35 anos, sempre que as obras que presenten estén escritas en galego, sexan orixinais e inéditas e non foran premiadas con anterioridade en ningún outro concurso. Categorías: A. Mozos e mozas de 12 a 15 anos. B. Mozos e mozas de 16 a 20 anos. C. Mozos e mozas de 21 a 35 anos. 3. O contido terá que aludir necesariamente a algún aspecto (espazo, persoaxes, festas, historia, monumentos, etc ) relacionado co pobo de Lalín. 4. A extensión non excederá as 25 liñas en letra de corpo 12 e tipo Times New Roman ou similar, podendo ocupar o Picto- Relato  un máximo dunha páxina en formato folio ou DIN-A4 por unha cara, de forma que se reparta o espazo entre ilustración con técnica libre e texto. 5. As obras poden presentarse nos seguintes lugares: no Espazo Xove ou na  Oficina Municipal de Información Xuvenil de Lalín. 6. Os concursantes deben presentar un sobre que conteña: O Picto- Relato co título. O sobre da plica co seudónimo e título ou títulos na súa portada; así como todos os datos personais do autor ou autora no interior (nome e seudónimo, apelidos, domicilio, número DNI ou equivalente, título do Picto-Relato, teléfono e correo electrónico). 7. O prazo de admisión de Picto-Relatos finalizará o día 6 de maio de 2013. 8. A organización designará o xurado competente, que estará formado por profesores de ensino secundario, técnicos de xuventude e cultura. O xurado non coñecerá, en ningún caso, os nomes dos autores ou autoras, tan só o  título da obra e o seudónimo. 9. O fallo do xurado, que será inapelable, farase público o 14 de maio de 2013, ás 18,00 horas, no Espazo Xove de Lalín, para conmemorar o Día das Letras Galegas, adicado nesta edición a Roberto Vidal Bolaño. 10. Premios: Categoría A: 1º premio. Fin de Semana de Aventura (2 persoas). 2º premio. Tablet. Categoría B: 1º premio. Fin de Semana de Aventura (2 persoas). 2º premio. Tablet. Categoría C: 1º premio. Fin de Semana de Aventura (2 persoas). 2º premio. Tablet. 11. Os premios poderán ser declarados desertos se, a criterio do xurado, ningunha obra contara cos méritos mínimos. Asimesmo, o xurado estará facultado para resolver calquera cuestión da súa competencia que se suscite. 12. As obras premiadas, e aquelas que polo seu interese se seleccionen, entre os Picto- Relatos presentados, serán editados na forma que se considere axeitada por parte tanto do Espazo Xove como da Concellería de Xuventude do Concello de Lalín. 13. O feito de participar neste certame implica a plena aceptación das presentes Bases.