No marco do proxecto Emprende,
aprobado ao abeiro do Programa da cooperación transfronteiriza
Galicia-Norte de Portugal 2007-2013 (POCTEP), que ten por obxectivo
principal fomentar a creación de empresas, de emprego e autoemprego para
a mocidade, a Dirección Xeral de Xuventude e Voluntariado da
Consellería de Traballo e Benestar da Xunta de Galicia pon en marcha
unhas xornadas de autoemprego para a mocidade galega.
A Dirección Xeral de Xuventude e
Voluntariado pretende cooperar cos concellos da zona transfronteirza
(provincias de Ourense e Pontevedra), para ofertarlle recursos que
fomentan o espírito emprendedor entre a xuventude e a
internacionalización como unha das posibilidades para o crecemento
económico.
Poderán solicitar participar os
concellos das provincias de Ourense e Pontevedra. Serán seleccionados os
7 primeiros concellos que realicen a inscrición.
Os concellos que queiran participar
comprométense a seleccionar aos participantes que deberán reunir os
seguintes requisitos: idades comprendidas entre 18 e 35 anos, en
situación de desemprego, rematando os estudos ou que xa iniciaron o seu
proxecto empresarial, que teñan interese en iniciar unha actividade por
contra propia.
A formación desenvolverase durante o mes de maio nunha sesión de mañá e tarde con un grupo máximo de 25 persoas.Os concellos deberán indicar tres posibles datas por orde de preferencia para a realización da xornada, así como o local e enderezo no que terá lugar. A Dirección Xeral de Xuventude e Voluntariado facilitará a cada participante un dossier de documentación sobre os contidos da xornada, así como unha guía para atopar información en internet sobre o autoemprendemento. Durante un mes posterior a xornada ofrecerase vía correo electrónico ou teléfono, un asesoramento de cara a solucionar as cuestións técnicas xurdidas, para a posta en marcha dunha idea empresarial. Destinatarios: concellos das provincias de Ourense e Pontevedra. Número de concellos nos que se desenvolverán as xornadas: 7 Prazo para solicitar: Ata que se cubran a totalidade das prazas. Para mais información: roteiros.ctb@xunta.es Teléfonos 981 544 645, 981 544 854 e 981 541 688 MAIS INFORMACIÓ E PROGRAMA FORMULARIO DE INSCRICIÓN |
viernes, 26 de abril de 2013
Xornadas de autoemprego para a mocidade galega
Suscribirse a:
Enviar comentarios (Atom)
No hay comentarios:
Publicar un comentario