A
Dirección Xeral de Xuventude e Voluntariado, da Consellería de Traballo
e Benestar, vai desenvolver en diferentes lugares da nosa xeografía os
foros " Lidera a túa idea", concibidos co propósito de ofrecer apoio e
asesoramento a todas aquelas persoas mozas que queiran levar a cabo as
súas iniciativas e proxectos xuvenís no marco do programa “Iniciativa
Xove”. Neste programa todas as iniciativas de interese para a mocidade
teñen cabida: proxectos relacionados co emprendemento e a
empregabilidade, novas tecnoloxías, comunicación, lecer, educación non
formal… Preténdese promover entre a mocidade experiencias de aprendizaxe non formal que lles permitan desenvolver as súas capacidades, creatividade e espírito emprendedor involucrándose na posta en marcha dos seus propios proxectos. Os foros “Lidera a túa idea” son un xeito de proporcionar á mocidade galega toda a información necesaria e as ferramentas para poder levar a cabo a solicitude , desenvolvemento e execución de proxectos de participación xuvenil de calidade. Os Foros achegaranse aos campus das universidades, centros educativos, instalacións xuvenís e espazos xoves das distintas cidades e vilas galegas. Programación dos foros:
|
lunes, 29 de abril de 2013
Foros “Lidera a túa idea” asesorarán aos mozos e mozas interesados en participar no programa Iniciativa Xove
Suscribirse a:
Enviar comentarios (Atom)
No hay comentarios:
Publicar un comentario