XXVI Concurso Internacional de Piano “Cidade de Ferrol”

O Concello de Ferrol organiza e patrocina o XXVI Concurso Internacional de Piano “Cidade de Ferrol”, que terá lugar en Ferrol entre os días 22 e 29 de novembro de 2012. O Concurso está aberto aos pianistas de todos os países. Os candidatos deberán ter 16 anos como mínimo e 35 como máximo. Os gastos de aloxamento, mantenza, desprazamento, etc. correrán a cargo dos concursantes. Premios:Primeiro Premio: Diploma. 12.000 € Segundo Premio: Diploma. 6.500 € Terceiro Premio: Diploma. 4.000 € Premio ao mellor intérprete de música española : Diploma. 2000 € Premio “Gregorio Baudot” ao mellor intérprete galego : Diploma e concerto Non poderán concursar os intérpretes que obtivesen o Primeiro Premio en anos anteriores. A solicitude do boletín de inscrición deberá facerse á Secretaría do Concurso de Piano “Cidade de Ferrol” e deberá ser remitido a esta, debidamente cuberto. O boletín de inscrición pode ser substituído por carta asinada pola persoa interesada, na que faga constar: Nome, apelidos, idade, residencia e nacionalidade. Centros nos que cursou os estudios; premios obtidos nas súas actividades musicais e un breve currículo da súa vida musical. Títulos e autores das obras elixidas. Que coñece as bases deste Concurso, está conforme con elas e acepta as decisións do Xurado. Remitir a: Concello de Ferrol. Secretaría do Concurso de Piano “Cidade de Ferrol” Praza de Armas s/n. 15402 Ferrol. A Coruña O prazo para presentar a solicitude estará aberto ata o 13 de novembro de 2012. Máis información en www.pianoferrol.com