Cursos de Condución Segura

A  Dirección Xeral de Xuventude e Voluntariado da Consellería de Traballo e Benestar da Xunta de Galicia, un ano mais, pon en marcha, cursos de formación en condución segura co obxectivo de achegar á mocidade actitudes seguras no uso do vehículo baseada no coñecemento dos factores de risco,  dos sistemas de seguridade do automóbil e da técnica de condución. Destinatarios: Mozos e mozas con idades comprendidas ente os 18 e 25 anos, imprescindible que saiban conducir. Non é preciso que sexan titulares de permiso, xa que, a escola dispón de   homologación da DGT. Datas e lugares de celebración: Os cursos serán impartidos nas instalacións da Escola Galega de Condutores San Martín SL Plataforma de Estacionamento nº 2 Polígono Industrial Curtis- Teixeiro 15310 Teixeiro- Curtis ( A Coruña). Desenvolveranse ao longo de 3 fins de semana de outubro e novembro de  2012 nas seguintes datas: -          6  de outubro -          7 de outubro -          3  de novembro -          4 de novembro -          24 de novembro -          25 de novembro Inscricións: Número de prazas 18 por día. Os participantes serán seleccionados por rigoroso orde de inscrición ata que se cubra a totalidade das prazas. Os cursos son de  carácter gratuíto. Programa e normas de desenvolvemento da actividade: 09.00h, recepción de  participantes e entrega de documentación 09.15h, simulador de superficies esvarantes. 10.00h, simulador de curvas (slalom) 11.30h, descanso. 12.00h, clase teórica 14.00h, xantar (por conta do participante). 15.00h, freada con ABS e freada con avaría 16.00, condución por circuíto 1400 metros de longo. 17.30h,  final da xornada Ao comezo da actividade os monitores/formadores solicitarán a cada participante  DNI ou documento acreditativo semellante. A persoa que non figure como participante nos datos da organización, será excluída. Os cambios de titularidade na praza deben ser consultados e autorizados pola Dirección Xeral de Xuventude e Voluntariado, onde se fixo a inscrición. As actividades poderán sufrir modificacións en función das condicións meteorolóxicas. Para mais información xuventude@xunta.es Teléfonos : 981 54 48 54 e 981 54 46 45 Formulario de Solicitude