A Antena Cameral de Ponteareas, en
colaboración coa concellería de Emprego do Concello de Ponteareas,
realizará o vindeiro venres, 13 de abril, un curso de Manipulador de
Alimentos.
A actividade, que terá unha duración
de 3 horas e se levará a cabo no Centro de Desenvolvemento Local
(CDL) de Ponteareas, permitirá que os participantes poidan acadar
coñecementos precisos en sanidade e seguridade alimentaria, que lles
permitan obter o carné de manipulador de alimentos, un documento
case que imprescindible para para traballar en diversos sectores,
incluído o da hostalaría.
Por outra banda, o día 14 de abril,
comezará a desenvolverse tamén no CDL, un curso que baixo a
denominación “Almorzos en inglés” permitirá que 12 persoas
realicen prácticas de conversación en lingua inglesa. Este curso,
desenvólvese ao abeiro do Programa Europeo Antenas Camerais:
Servizos de Proximidade á Pequena e Mediana Empresa e
está cofinanciado polo Fondo Social Europeo, Cámara de Comercio e
Concello de Ponteareas.
A
concelleira de Emprego, Marisol Valado, aseguraba que estes cursos
“forman parte das actividades que desenvolve o CDL, en
colaboración con outros organismos, de cara a ampliar o abano de
accións formativas que ofrecer aos nosos veciños e veciñas”.
No hay comentarios:
Publicar un comentario