Esta tarde dará comezo a XV edición da Mostra Internacional de Teatro Universitario (MITEU), que
da a oportunidade de subiren ás táboas a sólidas formacións teatrais
nacidas nos campus de Galicia e de fóra da comunidade. Nesta ocasión renderase homenaxe a Roberto Vidal Bolaño, escritor e actor teatral ao que precisamente está adicado este ano o Día das Letras Galegas.
Ao igual que o pasado ano, nesta edición a MITEU tamén terá dous escenarios:
a Mostra intercalará as representacións nas instalacións do campus
universitario con outras no Auditorio Municipal do Concello de Vigo.
Ademáis, todas as funcións serán de entrada libre ata completar aforo.
Á espera de que se confirme a totalidade do programa da Mostra, presentámosvos un avance do mesmo:
- Mércores 20 de marzo: “Animaliños”, obra de Roberto Vidal Bolaño interpretada pola companía de Teatro da Universidade de Santiago de Compostela. Ás 18:30 no Teatro Vidal Bolaño.
- Mércores 10 de abril: “Suicidio colectivo con encanto”, obra de Fernando Dacosta a partir de ”Delicioso suicidio en grupo”, de Arto Paagilinna, interpretada pola Aula Universitaria de Teatro de Ourense. Ás 18:30 no Teatro Vidal Bolaño.
- Mércores 17 de abril: “Agora e na hora da nossa hora”, interpretada pola compañía Eduardo Okamoto (Brasil). Ás 21:00 no Auditorio do Concello de Vigo.
- Xoves 18 de abril: “Gemma Suns”, interpretada pola compañía Fervor (Arxentina). Ás 21:00 no Auditorio do Concello de Vigo.
- Mércores 24 de abril: “Propietarios”, obra de Roberto Vidal Bolaño interpretada pola Aula de Teatro do Campus de Vigo. Ás 18:30 no Teatro Vidal Bolaño.
No hay comentarios:
Publicar un comentario