Estancias prácticas en empresas de Alemaña

A Dirección Xeral de Xuventude e Voluntariado da Consellería de Traballo e Benestar e a Fundación Paideia ofertan 10 prazas para a realización de prácticas laborais en Alemaña, durante unha estancia de 4 semanas.  Os obxectivos deste programa son incrementar as posibilidades  laborais de mozas e mozos galegos desempregados; posibilitar o coñecemento do mundo laboral en diferentes países estranxeiros mediante o desenvolvemento de tarefas profesionais en empresas no país de destino; proporcionar a iniciación e/ou perfeccionamento  das habilidades lingüísticas do idioma do país de destino; e impulsar o desenvolvemento de habilidades persoais de autonomía.  Esta actividade enmárcase dentro do programa de carácter transnacional  La IDA do Ministerio de Traballo e Asuntos Sociais alemán, que a Fundación Paideia desenvolve en colaboración co IBI (Institut für Bildung in der   Informationsgesellschaft e. V.) e cofinanciada pola Consellería de Traballo e Benestar da Xunta de Galicia, a través da Dirección Xeral de Xuventude e Voluntariado.  Datos xerais: Saída prevista: finais de abril – principios de maio de 2013 Duración da estancia: 4 semanas Localización: Karlsruhe (sureste de Alemaña) Prazas: 10 Sectores de prácticas: metal, produción industrial, saúde, gastronomía e comercio Destinatarios e requisitos Mozos e mozas galegas con idades entre os 18 e 30 anos de idade, que cumpran os seguintes requisitos: En situación de desemprego laboral superior a seis meses Sen titulación académica ou con titulación equivalente ou inferior ao ciclo medio de formación profesional Con experiencia laboral nos sectores ofertados Cobertura: Empresa de acollida Aloxamento e manutención Billete de avión de ida e volta Transporte ao posto de prácticas Seguro de responsabilidade civil de cobertura mínima Titorización personalizada durante toda a estadía. Formación: Á saída: sesións formativas e informativas obrigatorias Na estancia: curso de iniciación ao alemán e actividades culturais en Alemaña Á chegada: avaliación e elaboración do informe final obrigatorios Inscricións: O prazo de inscrición estará aberto do 13 ao 20 de marzo. Os/as interesados/as deberán: Cubrir o formulario de inscrición electrónico recollido ao final desta información. Enviar ao enderezo de correo electrónico galeuropa@xunta.es o Curriculum Vitae, modelo Europass, debidamente cumprimentado, segundo o modelo que figura no seguinte enlace: (https://europass.cedefop.europa.eu/cvonline/cv.jsp?forward=before&localeStr=es_ES) Máis información: 881 999 567/981 544 645 galeuropa@xunta.es FORMULARIO DE INSCRICIÓN