A Dirección Xeral de Xuventude e
Voluntariado da Consellería de Traballo e Benestar da Xunta de Galicia,
un ano máis, pon en marcha cursos Conduce Ti: cursos de
formación en condución segura co obxectivo de achegar á mocidade
actitudes seguras no uso do vehículo baseada no coñecemento dos factores
de risco, dos sistemas de seguridade do automóbil e da técnica de
condución.
Destinatarios:Mozos e mozas entre 18 a 30 anos, imprescindible que saiban conducir. Non é preciso que sexan titulares de permiso, xa que, a escola dispón de homologación da DGT. Datas e lugares de realización: Os cursos impartiranse nas instalacións da Escola Galega de Condutores San Martín SL Plataforma de Estacionamento nº 2 Polígono Industrial de Teixeiro 15310 Teixeiro - Curtis (A Coruña). Desenvolveranse nas seguintes fins de semana: Marzo: - Sábado 16 - Domingo 17 Abril: - Sábado 20 - Domingo 21 - Sábado 27 - Domingo 28 Maio: - Sábado 7 - Domingo 8 Xuño: - Sábado 1 - Domingo 2 - Sábado 8 - Domingo 9 Inscricións: Número de prazas máximo de 15 por día. As persoas interesadas neste programa poderán facer a reserva da praza, dende o día 01 de de marzo de 2013 e ata cubrir a totalidade das prazas enviando o correspondente formulario que está a súa disposición ao final desta páxina. A cota de inscrición será de 30€ e os posuidores/as de Carné Xove pagarán 24 € ( 20 % de desconto) Unha vez confirmada a reserva da praza, darase a información oportuna para facer o ingreso nun prazo máximo de 48 horas, de non realizarse o pagamento a Dirección Xeral de Xuventude e Voluntariado disporá da praza reservada. Programa, normas e horario de desenvolvemento da actividade: O curso desenvolve unha parte teórica de clases teóricas e técnicas de condución e aula virtual para a concienciación e socialización e clases prácticas con manexo de vehículo tipo turismo. Horario: 08:55 h recepción de participantes e entrega de documentación. 09.00 h clase práctica: simulador de superficies esvaradías. 10.00 h clase teórica. 12.00 h clase práctica: Freada con ABS. 12:45 h clase práctica: Freada con avaría. 13:30 h descanso. Xantar ( por conta do participante) 15:00 h clase práctica: Slálom. 16:00 h clase práctica: Círculo de Kann. 17:00 h aula técnica. Ao comezo da actividade os monitores/formadores solicitarán, a cada participante, o DNI ou documento acreditativo semellante. A persoa que non figure como participante ou non teña abonada a cota correspondente segundo os datos da organización, será excluída. Os cambios de titularidade na praza deben ser consultados e autorizados pola Dirección Xeral de Xuventude e Voluntariado, onde se fixo a inscrición. As actividades poderán sufrir modificacións en función das condicións meteorolóxicas. Para máis información: www.xuventude.xunta.es xuventude@xunta.es Teléfonos : 981 554 854 , 981 541 688 e 981 544 645 FORMULARIO DE INSCRICIÓN |
viernes, 1 de marzo de 2013
CONDUCE TI ( CURSOS DE CONDUCIÓN SEGURA )
Suscribirse a:
Enviar comentarios (Atom)
No hay comentarios:
Publicar un comentario