O Parque Arqueolóxico da Arte Rupestre (PAAR), situado en Campo
Lameiro (Pontevedra), é un equipamento cultural único para coñecer unha
das máis características e primitivas manifestacións artísticas de
Galicia: os petróglifos, signos e figuras gravadas nas rochas.
A visita ao Parque Arqueolóxico desenvólvese a partir do acceso a
tres espazos diferenciados: un suxestivo e innovador espazo expositivo
situado no interior do Centro de Interpretación,
a área arqueolóxica anexa, de 22 hectáreas de extensión, na que
podemos pasear e observar un conxunto excepcional de estacións rupestres
nunha paisaxe moi semellante á do seu contexto orixinal, e unha
recreación dun pequeno poboado no que se evocan aspectos da vida cotiá
dos nosos antepasados da Idade do Bronce.
O Parque Arqueolóxico ofrece un conxunto heteroxéneo de actividades,
dirixidas tanto a adultos coma ao público infantil, que pretenden
ofrecer contidos patrimoniais e experiencias dunha maneira didáctica,
lúdica e participativa.
Cazar con arco ou cunha xavelina, fabricar vasillas de cerámica como
as da Idade do Bronce, aprender a prender lume sen mistos nin
chisqueiros, facer calcos de petróglifos como os arqueólogos... son só
algunhas das propostas de talleres e exhibicións que se ofrecen ao longo
do ano no Parque Arqueolóxico da Arte Rupestre de Campo Lameiro.
Esta oferta básica, que se realiza nos talleres do Parque
Arqueolóxico ou ao aire libre, pode adaptarse de maneira personalizada
ás distintas persoas, grupos ou colectivos interesados previa reserva
telefónica.
HORARIOS
TEMPADA BAIXA - De novembro a maio, de 10:00 a 18:00, de martes a domingo.*
* Fins de semán de abril e maio de 10:00 a 20:00 horas.
TEMPADA ALTA - De 1 de xuño ao 15 de outubro, de 10:00 a 20:00 horas, de martes a domingo.
A taquilla pecha 1/2 hora antes.
En tempada alta prorrógase a hora de peche segun afluencia de visitas.
------------------------------------------------------------------------------------------
VISITA NOCTURNA
Xeral - De 20:00 a 24:00 h venres e sábados en temporada alta; só con reserva previa.
Visitas especiais concertadas - Todos os días de apertura. Grupo mínimo, 10 persoas.
------------------------------------------------------------------------------------------
DÍAS DE PECHE
O Centro de Interpretación pecha todos os luns, excepto cando
coinciden con festividades nacionais ou autonómicas, que permanecerá
aberto.
Ademais, o Parque Arqueolóxico permanecerá pechado os días 1 de xaneiro, 24, 25 e 31 de decembro.
RESERVAS E TARIFAS
TARIFAS BÁSICAS
XERAL: 6,00 €
REDUCIDA: 3'50 €
VISITAS GUIADAS: 2€ complementarios por persoas (mínimo 10 )
GRUPOS: 3'50€ por persoa (mínimo 10 persoas)
Máis Información: www.paar.es
No hay comentarios:
Publicar un comentario