CAMPAÑA DE DOAZÓN DE SANGUE-XUNTA DE GALICIA (SAN CAETANO, Santiago de Compostela)

A Consellería de Sanidade centraliza nun único organismo, o Centro de Transfusión de Galicia (CTG), o procesamento e distribución dos compoñentes sanguíneos as 24 horas do día a todos os hospitais de Galicia. O obxectivo final é poder levar a cabo, todos os días do ano, a actividade asistencial programada e atender as urxencias que precisan dunha transfusión deste líquido vital.  O sangue é un elemento que non se pode fabricar ni improvisar e todos os días do ano o necesitan moitas persoas que van a ser sometidas a intervencións cirúrxicas, que sufriron accidentes de tráfico ou laborais, que padecen anemias, hemorraxias, enfermidades crónicas, cancro, leucemias, que van a ser sometidas a transplantes de órganos...  No ano 2013 os Hospitais Galegos precisan máis de 121.000 doazóns de sangue para desenvolver o seu labor asistencial e lograr que moitas persoas poidan recuperar a súa saúde.  Se queres participar podes acudir á unidade móbil de doazón de sangue situada nas dependencias da Xunta de Galicia (San Caetano), que estacionará diante da cafetería das 9:30 ás 14:30 horas os días  10, 11 e 12 de XUÑO (luns, martes e mércores).  Se tes algunha dúbida, infórmate no Centro de Transfusión de Galicia: 900 100 828  (liña gratuíta de 8:00 a  15:00  horas) e na WEB: ctg.sergas.es