Programa Conecta

A Consellería de Traballo e Benestar, a través da Dirección Xeral de Xuventude e Voluntariado pon en marcha o Programa Conecta. Conecta é a plasmación dos eixes transversais do Plan Estratéxico de Xuventude 2013 e desenrolase a través de 9 encontros territoriais enfocados ao emprendemento xuvenil e a un eixe do plan e un último encontro internacional estructurado nas nove temáticas que contempla o plan. O programa CONECTA xorde como elemento de vinculación entre grupos e asociacións xuvenís e líderes xuvenís, de enlace entre a mocidade e o movemento asociativo, de nexo entre mozos e mozas e as oportunidades de emprego e emprendemento de cada comarca da comunidade galega, de relación entre a mocidade e as ferramentas das que dispón, de urdime que cree e empodere un tecido asociativo xuvenil forte e dinamizado. Nace, en definitiva, como ferramenta de conexión entre o colectivo xuvenil e as variables que dunha ou outra maneira lles poden afectar ou ser de interese. A Dirección Xeral de Xuventude pretende, en cada unha das iniciativas que leva a cabo, converter á mocidade en protagonista dos programas, actividades e proxectos das que son obxecto principal, así como potenciar actitudes creativas e emprendedoras procurando a máxima participación dos mozos e mozas galegas no desenvolvemento daquelas propostas nas que son parte implicada. A promoción e potenciación do movemento asociativo vinculado á xuventude son unha prioridade clave; entendendo a participación como mecanismo de aprendizaxe non formal, opción de ocio educativo e de desenvolvemento de actitudes cívicas e persoais determinantes para o futuro do colectivo xuvenil. Estes eventos son asemade unha ferramenta idónea de difusión entre a mocidade de recursos e programas enfocados á xuventude. Obxectivos Prioritarios: Dinamizar e impulsar a participación xuvenil. Fomentar o asociacionismo xuvenil. Crear puntos de encontro a nivel territorial onde a mocidade poida compartir as súas experiencias. Mellorar as canles de comunicación e diálogo entre as entidades xuvenís e institucións públicas. Promover o espírito emprendedor como medio de xeración de emprego. Dar voz á mocidade para mellorar a eficiencia dos programas e políticas destinados a xuventude. Garantir a igualdade de oportunidades sen distinción de sexo, clase ou condición. Achegar aos estudantes á demanda de traballadores das empresas e aos novos nichos de mercado. Axenda de encontros 1 Campus Emprende: o poder das ideas Lugar: Facultade de Xornalismo da USC Data: sábado 24 de marzo Compartindo ideas. Foro aberto Universitario: “o emprendemento xuvenil como modelo de futuro”.   2 Crea Interior: miradas cara adentro Lugar: Vila de Cruces Data: Sábado 14 de abril Cultura, tradición, ocio, creatividade e emprendemento: o futuro dos concellos do interior nas mans da xuventude.   3 Iniciativa e emprendemento Lugar Ferrol Data: sábado 5 de maio Inicia e emprende o camiño do teu futuro. 4 Muller e xuventude: cara a igualdade efectiva a través do emprendemento Lugar: Espazo Xove de Ourense Data: Sábado 19 de maio Mesmos dereitos, mesmas oportunidades, éxito conxunto.   5 Xuventude rural e emprendemento Lugar: Casa da Cultura de Burela Data: domingo 27 de maio Terra e mar, fonte de oportunidades e de emprendemento xuvenil.   6 Actívate e emprende Lugar: Auditorio Municipal de Ribeira Data: sábado 9 de xuño Lecer e tempo libre, un primeiro paso para o emprendemento. 7 Emprendemento social no mundo do motor Lugar: Concello de Melide (varias localizacións) Data: 23 de xuño Quentando motores, o teu km 0 cara o emprendemento.   8 Crea e descubre Lugar: Centro Sociocultural de Ponteceso Data: 6 de xullo Historia, turismo e artesanía como forma de emprendemento.    9 O voluntariado como primeira vía para emprender Lugar: Finca Briz, concello de Marín Data: sábado 21 de xullo Encontro aberto para achegar a mocidade ó voluntariado como inicio da cultura emprendedora. Congreso Internacional de Xuventude. A Coruña Data: 28 e 29 de setembro.