Con
motivo do Ano Europeo do envellecemento activo e o diálogo
interxeracional, este intercambio versará sobre a temática “os mozos e a
solidariedade interxeracional”
Entre os obxectivos do programa galego de mobilidade destacan:
-Facilitar e potenciar a adquisición de
competencias non formais que faciliten o desenvolvemento persoal e a
toma de decisións na vida adulta.
-Fomentar a cooperación entre mozos e
mozas de diversas culturas para acadar obxectivos comúns que estimulen a
participación e a solidariedade.
-Comprender a diversidade sociocultural
axudando a vencer prexuízos, fomentar a tolerancia e erradicar
actitudes xenófabas, racistas, homófobas ou de outra índole que poidan
levar á discriminación e á exclusión.
-Favorecer a inclusión de mozos/as con
menos oportunidades e ofrecer novas perspectivas para o seu
desenvolvemento na sociedade.
-Dar a coñecer as posibilidades do
voluntariado xuvenil como mecanismo de participación e de cidadanía
activa en aras do progreso social.
INFORMACIÓN XERAL:
- O programa vai dirixido aos mozos e mozas galegos residentes en Galicia que teñan entre 18 e 30 anos no momento de celebración do intercambio.
- Datas de realización do intercambio: 23 ao 30 de marzo
- Prazo de inscrición: do 7 ao 13 de marzo
- Neste intercambio, os/as mozos/as faranse cargo dos custos de desprazamento a lugar de aloxamento do país do intercambio, que será comunicado unha vez admitido no intercambio.
A organización cubrirá os custos restantes, que se detallan a continuación:
-seguro de viaxe e enfermidade
-aloxamento
-manutención en pensión completa agás os días da viaxe (inclúese cea o día de chegada, sempre que sexa antes das 21:00 horas)
-material para realizar as actividades, obradoiros, debates, encontros...
-transporte local durante as datas do intercambio
No intercambio admitiranse, as primeiras 9 solicitudes que se reciban e atentendo á recepción e valoración por parte da organización do documento ao que se refire o parágrafo seguinte. Os admitidos recibirán un correo electrónico de confirmación da praza, así como o lugar de encontro no lugar de celebración do intercambio. Se lle facilitará o nome do coordinador que acompañará ao grupo, así como o itinerario para poder chegar ao punto de encontro.
Os/as 9 participantes seleccionados/as deberán remitir ao correo electrónico
mobilidadexuvenil@xunta.es,
un documento dunha extensión de mínimo 1 folio e máximo 3 folios onde
aborde a temática do intercambio e a súa situación en Galicia, para os
efectos da súa exposición nos foros de debate que se celebrarán no
intercambio. A non remisión do referido documento no prazo que se lle
indique será causa de perda da praza.
De non recibir ningunha comunicación no
prazo de 5 días despois do remate do prazo de inscrición, entenderase
que non se obtivo praza.
Unha vez se comunique por correo
electrónico a admisión no programa, o participante dispón de 48 horas
para enviar un xustificante de compra de billete ata o lugar de
celebración do intercambio. De non enviarse dito xustificante quedará
anulada a súa praza no intercambio. Deberá remitirse ao correo
mobilidadexuvenil@xunta.es
Erros nos datos facilitados na solicitude de participación ou a omisión deles pode ocasionar a desestimación da solicitude.
No intercambio acompañará aos participantes un coordinador galego e actuará como interlocutor co país de acollida.
O intercambio soamente se realizará se existe un mínimo de 5 mozos/as apuntados/as.
Recomendación de estación máis cercana para chegar ao lugar destino do país de celebración do intercambio
Figueira da Foz (Portugal)– en autobús ata Coimbra e despois en tren ou autobús ata de Figueira da Foz
Para máis información:
mobilidadexuvenil@xunta.es
Teléfono: 981544645
No hay comentarios:
Publicar un comentario