A
Dirección Xeral de Xuventude e Voluntariado en colaboración cos
organismos de xuventude das comunidades autónomas de A Rioxa, Andalucía,
Canarias, Cantabria, Castela e León, Cidade Autónoma de Ceuta,
Estremadura, Illas Baleares, Madrid, Murcia, Navarra e Valencia, pon en
marcha o programa de Cursos de Idiomas no Estranxeiro 2012.Quén pode acceder a este programa?
Todos os mozos e mozas con idades comprendidas entre os 14 e os 30 anos.Os menores de idade deberán presentar unha autorización dos seus país no momento de efectuar a reserva, sen prexuízo de cumprimentar posteriormente os documentos particulares que cada escola determine.
Para os menores de 16 anos é obrigatorio contratar o servizo de transfer tanto de ida como de volta (servizo de recollida e desprazamento desde o aeroporto ata o aloxamento).
IDIOMAS OFERTADOS
- Inglés en Reino Unido, Irlanda, Australia, Canadá, EE. UU., Malta, Nova Zelanda e Sudáfrica.
- Alemán en Alemania e Austria.
- Francés en Francia e Suíza.
- Italiano en Italia.
- Portugués en Portugal.
- Ruso en Rusia.
- Chinés en China.
- Árabe en Marrocos.
- Guía completa
PREZOS
Os prezos varían en función do tipo de curso, número de leccións, réxime alimenticio, datas (tempada alta ou baixa), semanas de duración, tipo de aloxamento e outros servizos.Éstes inclúen as clases do idioma elixido, o aloxamento (en familias, apartamentos ou residencias de estudantes) e un seguro de asistencia en viaxe.
Non inclúen os gastos de viaxe ata o país de destino, gastos de transporte local, as actividades e excursións que sexan opcionais dentro dos programas de cada escola, nin os traslados.
Os posuidores do Carné Xove terán un 6% de desconto sobre os prezos ofertados na Guía.
DATAS DE INICIO E DURACIÓN
Normalmente os cursos comezan en luns, aínda que algunhas escolas establecen datas determinadas de inicio para os principiantes. O aloxamento farase de domingo a sábado, chegando un día antes do comezo do curso e marchando un día despois do remate, salvo que a escola estableza que o aloxamento sexa de sábado a sábado ou de domingo a domingo.A duración dos cursos é semanal (2, 3, 4 semanas…) e o número de leccións varía dun curso a outro (15, 20, 25 ou 30 lección semanas), así coma o horario.
ALOXAMENTO
Ofrécense distintas opcións: familia, residencia, pisos de estudantes, etc. Cada organización indica o tipo de manutención que inclúe no seu programa (sen comidas, aloxamento e almorzo, media pensión ou pensión completa). As actividades socioculturais e as excursións non sempre están incluídas no prezo do curso.PRAZO DE SOLICITUDES
Hai que facer a solicitude como mínimo 15 días antes do comezo do curso, en tempada baixa (de xaneiro a maio e de outubro a decembro, e 30 días antes, en tempada alta (de xuño a setembro).Para os cursos en Estados Unidos e Canadá, 30 ou 60 días antes da data de comezo do curso, dependendo de si se necesita ou non visado de estudante.
En tempada alta para Estados Unidos o prazo é de 2 meses como mínimo.
CONDICIÓNS E FORMA DE PAGO
No momento de solicitar a inscrición para un curso deberase aboar o 40% do seu importe. O 60% restante deberá aboarse, una vez confirmada a reserva de praza por parte da escola.A reserva de praza non se considerará definitiva ata que non se reciba a confirmación por parte da escola.
Unha vez a oficina confirme a praza ao estudante, este xa pode reservar os seus voos e demais transportes que necesite empregar e deberá facilitar os datos dos mesmos á oficina xestora para que sexan comunicados aos responsables da escola e do aloxamento.
Antes do comezo do curso, entregarase ao estudante un certificado de inscrición, xunto coa documentación relativa a escola.
Para máis información consulta as condicións xerais.
ANTES DE SOLICITAR O TEU CURSO LE CON ANTECIÓN AS CONDICIÓNS XERAIS, nelas especifícanse aspectos tan importantes como son as recomendacións de viaxe, documentación, cambios e anulacións, aloxamento, etc.
CÓMO SOLICITAR UN CURSO?
Chamando ao teléfono 981 544 851 ou ben enviando un correo electrónico (co asunto: cursos de idiomas no estranxeiro) ao seguinte enderezo:idiomas@xunta.es
No correo deberá figurar a seguinte información (sen ela será imposible facer una consulta sobre a dispoñibilidade do curso que solicitas):
- Nome e apelidos
- Data de nacemento
- Teléfonos de contacto e enderezo electrónico
- Páxina da guía na que figura o curso que solicitas. Se son varios os cursos elixidos, deberás indicar a orde de preferencia.
- Idioma elixido e nivel
- País, cidade, escola elixida e tipo de curso (especificando leccións, horarios….)
- Datas de inicio do curso e datas de aloxamento. Indicando as semanas de duración.
- Aloxamento, especificando o tipo de habitación e o réxime de manutención
- Transfer.
ENLACES DE INTERÉS:
Recomendacións de viaxe:http://www.maec.es/es/MenuPpal/Consulares/RecomendacionesDeViaje/Paginas/recomendacionesold.aspx
Información por país:
http://www.maec.es/es/MenuPpal/Paises/InformacionporPais/Paginas/Informacin%20por%20Pas.aspx
Rexistro de viaxeiros:
http://www.visatur.maec.es/viajeros/
Tarxeta sanitaria europea:
http://www.seg-social.es/Internet_1/Trabajadores/PrestacionesPension10935/Asistenciasanitaria/DesplazamientosporE11566/TSE2/index.htm
Becas de Idiomas:
http://www.educacion.gob.es/horizontales/servicios/becas-ayudas-subvenciones/para-estudiar/idiomas.html
Fonte:
http://xuventude.xunta.es/cursos-de-idiomas-no-estranxeiro.html
No hay comentarios:
Publicar un comentario