Promocións Carné Xove: Campus Lecer

Que é Campus Lecer 2013? É un programa de formación continua dirixido a persoas maiores de 18 anos, estudantes e profesionais do eido do tempo libre e da educación en Galicia. Quere achegar unha formación específica e práctica moi concreta e amena que sirva para una mellor formación profesional e persoal. É una oferta de obradoiros e monográficos especializados, de xornadas de convivencia e de intercambio de ideas e iniciativas do ámbito educativo, artístico, ambiental e deportivo.  Por que ‘Campus Lecer 2013’? Porque unha boa profesional e un bo profesional deben formarse continuamente para ofrecer o mellor servizo á sociedade. Porque deben ter recursos suficientes e un bo manexo dos mesmos para mellorar a súa práctica profesional e, por suposto, a súa empregabilidade. Porque existen formas de aprender e formarse de xeito atractivo, ameno e diferente. Por iso en ‘Campus Lecer 2013’ queremos achegar as mellores e máis axeitadas ferramentas, sen esquecer o importante do intercambio de inquedanzas. Un xeito diferente de aprender, mellorar e disfrutar da túa formación e do teu tempo de lecer. Con que contamos? Contamos cun equipo de profesionais cunha ampla experiencia de máis de 15 anos no tempo de lecer, a Educación Social e a Pedagoxía e nas modalidades educativas, artísticas, ambientais e deportivas que vos presentamos. Ademais existe a posibilidade dun bolseiro de traballo onde poñer en práctica as túas habelencias persoais e profesionais e onde podes presentar as túas iniciativas. ÁREAS TEMÁTICAS EDUCACIÓN E LECER ARTES ESCÉNICAS E PLÁSTICAS EDUCACIÓN AMBIENTAL E ACTIVIDADES NA NATUREZA DEPORTES ALTERNATIVOS QUENDAS: En Celanova: FEBREIRO 23 - 24 CONTACONTOS MARZO 02 - 03 INICIACIÓN Ó CLOWN 09 - 10 TEATRO APLICADO Ó LECER 16 - 17 ACTIVIDADES DE LECER PARA PERSOAS CON DISCAPACIDADE 23 - 24 DESEÑO DE PROXECTOS DE LECER EDUCATIVO ABRIL 13 - 14 XOGOS ADAPTADOS E DEPORTES ALTERNATIVOS PARA PERSOAS CON DISCAPACIDADE 20 - 21 MATCH DE IMPROVISACIÓN (XOGO/DEPORTE TEATRAL) 27 - 28 ACTIVIDADES DE EDUCACIÓN AMBIENTAL PARA O LECER MAIO 04 – 05 CONTACONTOS 11 - 12 INICIACIÓN Ó CLOWN 11 - 12 INICIACIÓN Á ORNITOLOXÍA 25 - 26 DESEÑO DE RUTAS DE INTERPRETACIÓN AMBIENTAL XUÑO 01 - 02 DEBUXO ARTÍSTICO APLICADO Ó LECER 08 - 09 XESTIÓN DE ASOCIACIÓNS E ENTIDADES XUVENÍS E CULTURAIS 08 - 09 INICIACIÓN Ó STOP MOTION 15 - 16 RISOTERAPIA 15 - 16 ESCALADA EN ROCÓDROMO En Manzaneda: MARZO 02 - 03 XOGOS E DINÁMICAS GRUPAIS ALTERNATIVAS 16 - 17 ACTIVIDADES PARA O LECER NA TERCEIRA IDADE 30 - 31 ACTIVIDADES PARA O LECER EN LUDOTECAS PARTICIPANTES: Dirixido a persoas maiores de 18 anos, monitoras e monitores de tempo libre, directoras e directores de tempo libre, educadoras e educadores... e público interesado en xeral. Non hai límite de idade. PRAZO DE INSCRICIÓN: Podes inscribirte dende xa. O prazo rematará 7 días antes do fin de semana no se realice o curso monográfico. ADXUDICACIÓNS DAS PRAZAS: Primeiro realizarase unha preinscrición por correo electrónico ( campuslecer@gmail.com) indicando o teu nome completo, correo electrónico, teléfono e curso/s no/s que estás interesada/o para despois confirmarche nós a formalización da inscrición. As prazas adxudicaranse por orde de petición e serán esgotadas cando se acade o cupo total de participantes en cada acción formativa. DOCUMENTACIÓN: Cando se che confirme a túa praza por correo electrónico terás que entregar no prazo de 48 horas a seguinte documentación no mesmo correo ( campuslecer@gmail.com): Copia do xustificante do ingreso da cota de participación. Copia do DNI. Copia do documento da Seguridade Social ou seguro médico privado. Copia do Carné Xove, de ser o caso. Nº DE PRAZAS: 25 prazas por cada acción formativa. Mínimo 10 participantes. INCLÚE: Pensión completa no Albergue Xuvenil de Celanova (de ser requirida por cuestión de desprazamento dende fóra do lugar de realización dos cursos). En Manzaneda nos podemos ter esta opción. Seguro de responsabilidade civil e de accidentes. Docentes con ampla experiencia nos eidos da educación, das artes e dos deportes. Material persoal para a realización das diferentes actividades propostas. Certificación acreditativa de cada curso. LUGARES: Albergue Xuvenil Municipal de Celanova (Ourense) (A 15 minutos de Ourense!) Albergue Municipal de Manzaneda (Ourense) PREZOS: Cursos impartidos en Celanova: 40 € (con Carné Xove) / 45 € (sen Carné Xove). En Celanova inclúe pensión completa no albergue xuvenil. Cursos impartidos en Manzaneda: 20 € (con Carné Xove) / 25 € (sen Carné Xove) INFORMACIÓN E INSCRICIÓNS: campuslecer@gmail.com www.facebook.com/escolaestou ORGANIZA: ETL ESTOU (Escola Universitaria de Tempo Libre do Campus de Ourense) COLABORAN: Lúcete Lecer Asociación Universitaria Educación Social e Sociedade. Folleto en pdf