A Xuventude no Mundo: intercambios xuvenís a Italia, Xapón e Rusia.

Dentro do programa de mobilidade “A Xuventude no mundo” a Dirección Xeral de Xuventude e Voluntariado convoca os primeiros intercambios xuvenís a realizarse durante o 2013, enmarcados dentro das relacións bilaterais que mantén con distintas entidades noutros países: Pais Lugar de intercambio Nº de prazas Data de realización Temática Data de inscrición Italia Ossana – Trento (Fundazione San Vigilio) 12 16 a 23 marzo “Tradición e innovación. Redescubrir o pasado para crear o futuro” 11 a 18  febreiro Rusia Concello de Novodevyatkinsky – San Petesburgo 14 22 a 29 abril Búsqueda de emprego na xuventude 11 a 18 febreiro San Petesburgo (Instituto de San Petesburgo da Educación humanitaria) 10 29 de abril 6 de maio Orientación profesional para a xuventude 19 a 26 febreiro Xapón Perfectura de Wakayama 14 8 ao 15 xullo “Dous camiños, dúas culturas” 1 a 10 marzo Obxectivos: facilitar  o coñecemento doutras realidades sociocultural e lingüísticas para a comprensión da diversidade cultural e  favorecer e potenciar a adquisición de habilidades e competencias non formais que faciliten o desenvolvemento persoal. Destinatarios: mozos e mozas galegos residentes en Galicia con idades comprendidas entre os 18 e 30 anos de idade no momento de celebrarse o intercambio e que non participaran  en anteriores edicións de A Xuventude no Mundo. Inscrición: mediante envío de formulario electrónico dentro do prazo establecido. Só se admitirá unha solicitude por participante. Os erros nos datos facilitados na solicitude de participación ou a omisión dalgún deles pode ocasionar a desestimación da solicitude Admisión: será por rigoroso orde de inscrición, ata cubrir a totalidade de prazas convocadas para cada intercambio. Os/As solicitantes seleccionados recibirán un correo electrónico de confirmación da praza. De non recibir comunicación de confirmación da praza o último día de inscrición, entenderase que non obtivo praza para o intercambio. Confirmada a praza nos 4 días seguintes os/as seleccionadas deberán remitir a mobilidadexuvenil@xunta.es : -          unha copia do billete de transporte adquirido para desprazarse ata a cidade do país do intercambio. Non é documento válido a reserva de voo -          unha copia do seguro de viaxe, de accidentes e  de enfermidade A non remisión destes documentos no prazo establecido supón a perda da praza no intercambio. De ser o caso de que o billete de transporte adquirido fose anulado posteriormente a súa remisión á Dirección Xeral de Xuventude e Voluntariado, a praza para o intercambio será anulada e considerada non adxudicada. Recibidos correctamente as copias dos documentos requiridos, posteriormente aos seleccionados seralles facilitado o nome do coordinador que acompañará ao grupo, así como o lugar de encontro no lugar de celebración do intercambio Realizaranse os intercambios se existe un mínimo da metade das prazas convocadas para cada intercambio. Cobertura dos intercambios -          Aloxamento  en réxime de pensión completa en cuarto de uso múltiple -          Trasporte no ámbito do intercambio -          Actividades organizadas pola entidade de acollida -          No intercambio a Xapón: 3 días de estancia con familias xaponesas Será a cargo do/a participante: -          Os gastos de desprazamento ata o lugar de aloxamento do intercambio -          Os gastos do seguro de viaxe, de accidente e  de enfermidade -          Os gastos de obtención do visado, para os intercambios a Rusia Rusia: visado.- Os gastos do visado serán por conta do/a participante, destacando que o seguro de viaxe e enfermidade servirá como parte da documentación para a expedición do visado. Aos /ás seleccionados para os intercambios a Rusia seralles facilitada por parte da organización unha carta de invitación da entidade de acollida en Rusia para os efectos de solicitude do correspondente visado, para o que é requisito indispensable enviar ao enderezo electrónico que se lles facilitará oportunamente unha fotocopia escaneada do pasaporte.(pola páxina dos datos-foto). A Dirección Xeral de Xuventude e Voluntariado non se responsabiliza de que aos/as seleccionadas nestes intercambios para Rusia non se lle sexa concedido o visado. Xapón: estancias con familias xaponesas.- Os/as participantes neste intercambio adquiren o compromiso de acoller no seu domicilio particular en Galicia durante 3 días a 2 xóvenes xaponeses, cando se realice o intercambio de acollida en Galicia nos seis primeiros meses do 2014.  Recomendacións de aeroportos máis cercanos ou estacións para chegar ao lugar de destino do país de celebración do intercambio: Ossana -Trento (Italia).- dúas posibilidades: Aeroporto Marco Polo de Venecia (VCE) / aeroporto de Treviso (TSF) e despois tren ata Verona – Trento e finalmente tren ou autobús ata Ossana Milano (MXP, LIN) ou Bérgamo (BGY) e despois: -           autobús directo a Ossana -          Tren Milano – Verona – Trento e despois autobús ou tren ata Ossana San Petesburgo (Rusia).- Aeroporto de San Petesburgo Wakayama (Xapón):- Auroporto de Kansai FORMULARIO DE SOLICITUDE  Máis información: xuventude@xunta.es 981 544645 /981 544869