A Comisión Interuniversitaria de Galicia (CIUG) convoca as probas de acceso a Universidade para maiores de 25 anos.
Soamente poderán concorrer á devandita proba, as persoas que cumpran os 25 anos de idade antes do día 1 de outubro do ano natural no que se celebre a proba e que non posúan un título de bacharelato. A Proba de Acceso á Universidade estruturarase en dúas fases: Xeral e Específica.
FASE XERAL
FASE ESPECÍFICAA Fase Xeral terá como obxectivo apreciar a madurez e idoneidade dos candidatos/as para seguiren con éxito estudos universitarios, así como a súa capacidade de razoamento e de expresión escrita. Comprenderá catro exercicios: 1º Exercicio Comentario dun texto ou desenvolvemento dun Tema Xeral de Actualidade. 2º Exercicio Lingua Castelá. 3º Exercicio Lingua Galega. 4º Exercicio Lingua estranxeira, elixible entre: Alemán, Francés, Inglés, Italiano ou Portugués. A Fase Específica terá por finalidade valorar as habilidades, capacidades e aptitudes dos candidatos/as para cursaren con éxito as diferentes ensinanzas universitarias vinculadas a cada unha das ramas do coñecemento en torno ás que se organizan os estudos universitarios oficiais de Grao. A Fase Específica estruturarase nas cinco opcións seguintes vinculadas coas cinco ramas do coñecemento: OPCIÓN A: Artes e Humanidades. OPCIÓN B: Ciencias. OPCIÓN C: Ciencias da Saúde. OPCIÓN D: Ciencias Sociais e Xurídicas. OPCIÓN E: Enxeñaría e Arquitectura. Prazo de matrícula: ata o 14 de febreiro de 2013 nos LERDs. Prezo: 63,67 €. Probas: na Facultade de Dereito da Universidade de Santiago de Compostela. Fase Xeral: 2 de marzo de 2013. Fase específica: 9 de marzo de 2013. Máis información na CIUG: 981 528 080 e en http://ciug.cesga.es |
martes, 22 de enero de 2013
Acceso á Universidade a maiores de 25 anos
Suscribirse a:
Enviar comentarios (Atom)
No hay comentarios:
Publicar un comentario