“VEN AO ESTEIRO DO ANLLÓNS”
, é un proxecto organizado por uns mozos cabaneses da A.C. e Xuvenil
Pedra da Vella, enmarcado dentro do programa da Dirección Xeral de
Xuventude, INICIATIVA XOVE 2012, celébrase o 21 de xullo no Esteiro do
Anllóns (Cabana de Bergantiños, praia do Pendón), durante todo o día. No
marco deste proxecto desenvolvenranse as seguintes actividades:
En horario de mañán de 10:00 a 14:00
Rutas de sendeirismo:
- RUTA POLO REGO DOS MUÍÑOS - Saída dende o
Castro a Cidá ás 10:00 e chegada ao Esteiro do Anllóns ás 11:30 a ruta
transcorrerá polo Rego dos Muiños,guiada por Angel Eiroa, que ira
explicando todolos elementos que compoñen a ruta.
- RUTA POLO PASEO MARÍTIMO DO ESTEIRO DO ANLLÓNS -
Saída dende a Praza de Canduas ás 11:30, (continuación da ruta do Rego
dos Muiños) ata o observatorio de Aves, na Urixeira. Guiada por Javier
Couto
- MIRADOIRO DE AVES (URIXEIRA) - (de 12:15 a
14:00) Contaremos coa presenza de Don José Luis Patiño Rabuñal, un
dos ornitólogos máis importantes de España, que nos explicará a
singularidade do Esteiro do Anllóns como lugar especial para as aves
no propio Esteiro. Por último visitaremos o observatorio para
explicarnos o seu funcionamento, entregaremos a cada mozo
participante unha guía, sobre o miradoiro de aves a cal nos mostra
como se poden recoñecer as aves, as rarezas do Esteiro, os espazos
en donde se encontran as aves, etc…
Haberá servizo de bus dende Ponteceso (praza do recheo, 9:45) pasando
por Cabana (Neaño 9:50), Canduas (Empalme 9:55). Ida e volta.
En horario de tarde de 16:00 a 20:00
Na praia do Pendón, actividades simultáneas
- Windsurf: iniciación a esta modalidade para grupos de 12 a 35 anos
- Paddleboard: pequenas rutas polo Esteiro do Anllóns por grupos para mozos de 12 a 35.
- Rocódromo de escalada: actividade cun inchable para os nenos-mozos máis pequenos.
- Paseos en Lanchas polo esteiro do Anllóns.
- Snorkel, saída dende a praia do Pendón
- Kaiaks de mar: pequenas rutas polo Esteiro do Anllóns por grupos para mozos de 12 a 35.
- Xogos na praia: diversas actividades predeportivas na praia para tódolos públicos.
En horario de noite a partir das 22:00
- Concerto para a xuventude: concerto dun grupo de pop rock para todo o mundo que desexe asistir.
COMPAÑÍA DO RUIDO, na praza de Treize-Septiers (ao lado da casa das mariscadoras) |
No hay comentarios:
Publicar un comentario