Axudas para asistir a entrevistas e/ou incorporación a un traballo da rede Eures en Europa

O Ministerio de Emprego convoca axudas económicas para asistir a entrevistas de traballo e/ou incorporación a un posto de traballo en Europa para aqueles mozos que foran seleccionados a través do programa "O teu primeiro traballo Eures". Prazo: o mozo traballador poderá solicitar a axuda «O teu primeiro traballo EURES» unha vez que a empresa confirme ao conselleiro EURES o seu interese en realizar unha entrevista e/ou contratar o mozo que está inmerso nun proceso de selección para unha oferta de traballo de duración superior a seis meses. O número de beneficiarios será de 500 mozos/as españois que exercerán a súa mobilidade laboral noutros países europeos Requisitos:a) Ter entre 18 e 30 anos de idade, ambos os dous inclusive. b) Estar inscrito como demandantes de emprego nos Servizos Públicos de Emprego correspondentes. c) Ter sido seleccionados nun proceso realizado pola Rede EURES-España. d) Ser nacionais de calquera dos países da Unión Europea ou residentes de xeito legal en calquera país da Unión Europea. e) Que o posto de traballo para o cal se realiza a entrevista ou ao que se vai incorporar se localice nun país da Unión Europea distinto ao de residencia. Máis información no BOE do 17 de decembro de 2012 e en http://xuventude.xunta.es/201206047863/o-teu-primeiro-traballo-eures.html