X Premio de narración e ilustración “Pura e Dora Vázquez”

A Deputación de Ourense convoca o X Premio “Pura e Dora Vázquez” na modalidade de ilustración. Poderán concorrer ó premio tódolos ilustradores de calquera nacionalidade que presenten as súas ilustracións inéditas e orixinais, non menos de dez, tomando como base o texto premiado na modalidade de narración deste X Premio “Pura e Dora Vázquez”. Prazo: o conxunto de ilustracións orixinais serán presentadas antes do día 20 de decembro de 2012, no Rexistro Xeral da Deputación de Ourense, rúa do Progreso, 32, 32003 Ourense. Coas ilustracións, que se presentarán, no seu conxunto, baixo lema, achegarase, en sobre pechado, o nome completo, enderezo e teléfono do autor. Para esta modalidade de ilustración establécese un premio de 1.500 euros. Máis información en http://dpouv2.depourense.es