Programa de bolsas "Pasarela" para Formación Profesional

A Fundación Universidade-Empresa convoca o programa Pasarela, dirixido a titulados en Formación Profesional e ten como obxectivo complementar a súa formación cos coñecementos que máis se están a demandar hoxe en día polas empresas, informática, idiomas, etc., son algunhas das materias que o programa combina co traballo durante 12 meses nunha entidade punteira. O candidato complementará o seu traballo con 80 horas de formación na Universidade Rei Juan Carlos de Madrid, adquirindo os coñecementos necesarios para complementar a súa titulación. Requisitos:1. Ser cidadán español ou estranxeiro con permiso de residencia. 2. Ter obtido o Título de Formación Profesional de Grao Superior nos cinco anos anteriores á convocatoria das bolsas. 3. Ter menos de 30 anos. 4. Non ter desempeñado traballo profesional ningún relacionado coa súa titulación, acollido a calquera das modalidades de contratación laboral. 5. Non ter obtido anteriormente praza no Programa, ou en programas análogos. Este programa ten unha remuneración de 700 € mensuais. O prazo para solicitalo está aberto todo o ano. Máis información na Fundación Empresa Universidade. http://www.fue.es/pasarela/