A Dirección Xeral de Xuventude e
Voluntariado da Consellería de Traballo e Benestar, presenta por
terceiro ano consecutivo os obradoiros Activa 2013, acordes ao eixo transversal de formación e información do Plan Estratéxico de Xuventude.
Estes obradoiros constitúen unha acción
formativa no ámbito da educación non formal e teñen como obxectivo
proporcionarlles aos mozos e mozas ferramentas en temáticas
especialmente sensibles para a mocidade galega. Entre os temas centrais
que se desenvolven nos obradoiros deseñados destacan os seguintes:
empregabilidade, participación xuvenil, coaching, comunicación, información sobre recursos para a mocidade, voluntariado, asociacionismo, mobilidade xuvenil etc.
A diversidade destas accións formativas
responde ás solicitudes formuladas polos distintos axentes aos que van
dirixidas (entidades xuvenís, grupos de mozos e mozas, concellos…), á
experiencia adquirida en edicións anteriores e á análise das necesidades
formativas da mocidade galega no ámbito da educación non formal non
cubertas por outras actividades e programas impulsados polas distintas
administracións.
Estes obradoiros están destinados aos
mozos e mozas de ata 30 anos, os/as animadores/as xuvenís, os/as
concelleiros/as de xuventude, as asociacións, os grupos informais e, en
xeral, calquera colectivo interesado no ámbito da xuventude.
Os obradoiros Activa 2013 nacen como continuación do programa Activa e desenvólvense en oito eidos clave, que son os seguintes:
1.-Obradoiro de oratoria motivacional ou coaching.
Un momento para a reflexión nestes tempos axitados. Experiencias e
ideas que invitan á acción e que apoian o desenvolvemento persoal como o
único camiño cara ao éxito.
2.- En materia laboral, un obradoiro monográfico teórico-práctico sobre a entrevista de traballo,
que é unha parte moi importante no proceso selectivo de moitas
empresas. Tipos de entrevistas e preparación previa. Como elaborar un
currículo e outras moitas cousas de carácter fundamental á hora de
atopar emprego.
3.-Obradoiro de achegamento aos programas, recursos e axudas da UE en materia de xuventude. Traballarase no ámbito do voluntariado, da mobilidade, das prácticas formativas e do emprendemento.
4.-Obradoiro monográfico que trata de achegar os dereitos a as obrigas das persoas voluntarias,
así como os das entidades que realizan voluntariado. Difusión dos novos
certificados da acción voluntaria e dos programas de voluntariado da
Administración pública.
5.-Obradoiro sobre creación e mantemento dunha asociación xuvenil. Lexislación, obxectivos, xestión de actas e socios, orzamentos etc.
6.-Monográfico sobre o discurso público e a oratoria. Traballarase a preparación dun discurso, a transmisión de ideas, a comunicaron non verbal e a actitude da persoa oradora.
8.-Obradoiro destinado a dar unha información ampla, obxectiva e actualizada dos programas e axudas para mozos e mozas.
A formación no ámbito da educación non
formal é un claro valor en alza e ten unha relación clara na mellora da
empregabilidade da mocidade, constituíndo un complemento valioso no eido
curricular, tal e como testemuñan os estudos realizados por
institucións como a Comisión Europea ou o CXE.
A duración estimada de cada un destes obradoiros é de dúas horas e de carácter presencial.
Seguindo o espírito iniciado en edicións
anteriores, as accións formativas contidas en Activa 2013
ofertaránselles directamente aos concellos galegos, co obxectivo de
facilitar a participación de todas aquelas persoas interesadas.
O prazo de solicitude estará aberto ata o 26 de xullo de 2013.
Para máis información:
. Teléfonos: 981 544 866/ 981 957 057
|
miércoles, 3 de julio de 2013
PROGRAMA ACTIVA 2013
Suscribirse a:
Enviar comentarios (Atom)
No hay comentarios:
Publicar un comentario