Ciclo de obradoiros emprendemento rural

No marco do proxecto Emprende, aprobado ao abeiro do Programa da cooperación transfronteiriza Galicia-Norte de Portugal 2007-2013 (POCTEP), que ten por obxectivo principal fomentar a creación de empresas, de emprego e autoemprego para a mocidade, a Dirección Xeral de Xuventude e Voluntariado da Consellería de Traballo e Benestar da Xunta de Galicia pon en marcha un ciclo de obradoiros para emprendemento no rural. Son obxectivos deste ciclo de obradoiros: -Fomentar a xeración de emprego e autoemprego entre mozos e mozas que conten con diversos perfís académicos e profesionais dando a coñecer a diversidade de oportunidades existentes e vinculadas aos distintos sectores económicos. -Promover a dinamización, a diversificación económica achegando ferramentas de apoio os que desexen iniciar un proxecto laboral por conta propia. -Contribuír á xeración e divulgación dun novo medio rural, lonxe dos estereotipos tradicionais (incomunicación, falta de oportunidades laborais, carencia de servizos básicos). -Optimizar o aproveitamento de recursos produtivos existentes no medio rural. O ciclo consta de tres obradoiros : 1 Emprender no rural transfroteirizo (sectores emerxentes e oportunidades de negocio),  4horas. 2 Xestión do emprendemento no rural transfronteirizo (recursos e especifidades), 5 horas. 3 Panel de experiencias (casos de éxito de emprendemento rural), 4 horas. Os obradoiros desenvolveranse os días 29,30 e 31 de xullo de 2013 en Xinzo de Limia (Ourense) As persoas que non participen no ciclo completo e sexa do seu interese algún dos obradoiros debe facelo constar na solicitude. Destinatarios: mozos e mozas entre 18 e 35 anos. Número de participantes: 20 por obradoiro Prazo para solicitar: ata que se cubran a totalidade das prazas. Horario : De 9h a 13 h os obradoiros de 4 horas de duración e de 9h a 14h os obradoiros de 5 horas. Lugar: Casa da Cultura do Concello de Xinzo de Limia (avda. de Curros Enríquez,15) As prazas serán cubertas por orde de inscrición. Os/as participantes seleccionados/as recibirán un correo de confirmación. A Dirección Xeral de Xuventude e Voluntariado facilitará a cada participante un dossier de documentación sobre os contidos da xornada. Para mais información: roteiros.ctb@xunta.es Teléfonos 981 544 645,  981 544 854 e 981 541 688 MAIS INFORMACIÓN FORMULARIO DE INSCRICIÓN