viernes, 28 de junio de 2013
Prazos para solicitar ciclos formativos de FP
A Consellería de Educación abre o prazo de admisión do alumnado nos centros docentes sostidos con fondos públicos para impartir ciclos formativos de formación profesional de graos medio e superior en réxime ordinario e para as persoas adultas para o curso académico 2013/14:
O prazo ordinario será do 17 de xuño ata as 13.00 horas do 2 de xullo.
O prazo extraordinario abranguerá desde o día 2 ao 12 de setembro ás 13.00 horas.
Máis información no DOG do 18 de xuño de 2013 e en:
www.edu.xunta.es/fp
jueves, 27 de junio de 2013
Prazas nas residencias xuvenís da Dirección Xeral de Xuventude
 A Dirección Xeral de Xuventude e Voluntariado convoca 225 prazas para mozos e mozas, nas súas residencias xuvenís para o curso académico 2013/2014, no réxime de internado.As prazas ofértanse tanto para mozas e mozos estudantes como traballadoras/es. O período máximo de estadía das persoas beneficiarias será de 11 meses e estará comprendido entre o 1 de setembro de 2013 e o 31 de xullo de 2014. Prazas:Lugo: Centro Residencial Xuvenil LUG. 76 prazas Ourense: Florentino L. Cuevillas. 55 prazas Vigo: Altamar. 94 prazas. Do total de prazas resérvase un 9% para mozos e mozas que desempeñen unha actividade estatutaria, funcionarial ou laboral, tanto se é por conta propia como allea: Lugo: Centro Residencial Xuvenil LUG. 7 prazas Ourense: Florentino L. Cuevillas. 5 prazas Vigo: Altamar. 8 prazas. Requisitos para mozos e mozas estudantes: Ter os 16 anos feitos e non superar os 30 na data do 31 de decembro de 2013. Cursar estudos de ciclos formativos de grao medio, de bacharelato, de ciclos formativos de grao superior, estudos universitarios tendentes á obtención de título de grao ou equivalente ou ben, mentres non se xeneralice a implantación dos novos títulos universitarios, estudos universitarios de 1º, 2º ou 3º ciclo nunha facultade ou escola universitaria, ou estudos superiores en ensinanzas artísticas. Que no concello onde radique a súa residencia familiar non exista oferta de centros públicos para realizar o curso, nivel ou grao correspondente aos estudos que vaia cursar o/a solicitante. Exceptúase do anterior a realización de estudos universitarios, nos cales o/a solicitante non acade a nota de corte ou puntuación académica mínima exixida para o ingreso nas facultades ou escolas universitarias da localidade de residencia familiar. Requisitos para mozos e mozas traballadores/as: Que o lugar de traballo teña o enderezo nunha provincia distinta ao lugar de residencia familiar da persoa solicitante. No caso de que a relación de traballo non sexa fixa ou indefinida, terá que ter unha duración mínima de 9 meses contado desde a data en que finalice o prazo de presentación de solicitudes. No caso de ser unha persoa traballadora autónoma por conta propia, será necesario que estea dada de alta no réxime de traballadores/as autónomos/as da Seguridade Social, cunha anticipación mínima de 3 meses á publicación da presente convocatoria. O prazo de presentación de solicitudes estará aberto ata o 15 de xullo de 2013. As solicitudes poden tramitarse en https://sede.xunta.es cos procedementos BS303B, BS303D Máis información no DOG do 27 de xuño de 2013. Residencias: Lugo: http://xuventude.xunta.es/residencia-de-lugo.html Ourense: http://xuventude.xunta.es/residencia-de-ourense.html Vigo: http://xuventude.xunta.es/residencia-de-vigo.html |
POSTO DE “PEÓN CONDUTOR PARA A BRIGADA DE PREVENCIÓN E DEFENSA CONTRA INCENDIOS FORESTAIS
CONCELLO DA TEIXEIRA (OURENSE)
BASES PARA A SELECCIÓN DUN TRABALLADOR PARA O POSTO DE “PEÓN
CONDUTOR PARA A BRIGADA DE PREVENCIÓN E DEFENSA CONTRA INCENDIOS FORESTAIS COFINANCIADO CO FONDO EUROPEO AGRÍCOLA DE DESENVOLVEMENTO RURAL (FEADER) NO MARCO DO PDR DE GALICIA 2007-2013” PARA O CONCELLO DE A TEIXEIRA COMO PERSOAL LABORAL TEMPORAL.
martes, 25 de junio de 2013
Axudas á incorporación de mozos á actividade agraria
 A Consellería do Medio Rural e do Mar convoca axudas para á incorporación de mozos á actividade agraria.Poderán ser beneficiarios/as os mozos/as titulares de explotacións ou que pretendan selo e que cumpran os seguintes requisitos: a) Posuír, no momento da súa instalación, o nivel de capacitación profesional suficiente. b) Instalarse nunha explotación agraria que requira un volume de traballo equivalente polo menos a unha UTA ou acadar esta condición nun prazo máximo de dous anos desde a súa instalación. c) Comprometerse por escrito a exercer a actividade agraria durante cinco anos. d) Cumprir a explotación as normas mínimas en materia de ambiente, hixiene e benestar dos animais, no prazo máximo de dous anos desde a instalación do/a mozo/a. e) Ter cumpridos os 18 anos e ser menor de 40 anos de idade no momento da solicitude de axuda. f) No caso de instalarse nunha explotación prioritaria, acadar a condición de agricultor profesional. O prazo para presentar solictudes estará aberto ata o 22 de xullo de 2013. As solicitudes poden tramitarse en https://sede.xunta.es co procedemento MR404A Mási información no DOG do 21 de xuño de 2013 e en http://mediorural.xunta.es |
Suscribirse a:
Entradas (Atom)